Katrín Tanja HRAUSTASTA KONA HEIMS 2016!

0
233

cfgames2016-200x200Til hamingju Katrín Tanja – sigurvegari Reebok CrossFit Games 2015 OG 2016!!

Heimsleikum CrossFit var að ljúka nú í nótt í Carson, Kaliforníu í Bandaríkjunum. Þetta voru tíundu og jafnframt mest krefjandi Heimsleikar í CrossFit sem haldnir hafa verið. Einstaklings- og liðakeppni hófst sl. miðvikudag og lauk nú í kvöld (24.júlí).

Katrín Tanja Davíðsdóttir sigraði opinn flokk kvenna, annað árið í röð og hlýtur því titilinn “Fittest Woman on Earth 2016”. Katrín sigraði 4 af 15 keppnisgreinum og var oftar en ekki meðal 10 efstu. Hún skreið jafnt og þétt upp stigatöfluna og var komin í toppbaráttuna þegar leið á seinni hluta keppninnar og náði svo ágætis stigaforskoti á síðasta keppnisdegi.

Spennan náði algjöru hámarki í blálokin á síðasta viðburðinum. Síðasta keppnisgreinin fólst í að klifra upp svokallað “pegboard” og lyfta þungum Thrusters og er í anda síðustu æfingar CrossFit Games 2015.

Ragnheiður Sara Sigmundsdóttir endaði í 3ja sæti á CrossFit Games eftir frábæra framistöðu. Hún var í toppbaráttunni allt mótið líkt og í fyrra, en þá var hún einnig í 3ja sæti. Annað sætið fór svo til Tiu-Clair Toomey frá Ástralíu og fjórða sætið hlaut fyrrum Heimsmeistarinn Samantha Briggs frá Bretlandi. Anníe Mist endaði í 13.sæti og Þuríður Erla í 19.

Efstu fjögur sætin í kvennaflokki eru nákvæmlega þau sömu og þau voru 2015.

Keppnin var fjölbreytt og gríðarlega erfið og samanstóð af 15 mismunandi keppnisviðburðum. Meðal annars var keppt í sjósundi, 7km utanvegarhlaupi í óbyggðum og ótal blöndu af æfingum með ólympískum lyftingum, fimleikum, þrekæfingum og aflraunum.

Í karlaflokki sigraði Mathew Fraser með miklum yfirburðum. Hann endaði í öðru sæti í fyrra á eftir Ben Smith, en hlutskipti þeirra var öfugt þetta árið. Okkar maður, Björgvin Karl Guðmundsson endaði í –.sæti, en í fyrra lenti hann í 3.sæti.

Í liðakeppni var eitt lið frá Íslandi, CrossFit XY. Þau enduðu í 34.sæti en sigurvegarar þessa flokks voru liðsmenn CrossFit Mayhem, annað sæti fór til 12 Labours CrossFit og 3.sæti CrossFit Yas. Rich Froning, þrefaldur sigurvegari CrossFit Games, leiddi sigurliðið og er því eini keppandinn í sögu Games til að hampa 6 gullverðlaunum á þessu móti.

Þess má geta að Mathew Fraser er einmitt með sama þjálfara og Katrín Tanja, Ben Bergeron hjá CrossFit New England í Boston.

Screen Shot 2016-07-24 at 23.41.03finalscorewomenCFG2016

Screen Shot 2016-07-24 at 23.40.48